१५. नीतिमा परिमार्जन

१५.१ भूमिसम्बन्धी विषय समेटने यो प्रमुख नीति हो । यस नीति अनुकूल नभएका ऐन, नियम तथा नीतिहरु यो नीति लागू भएको १ वर्ष भित्र सम्बन्धित निकायले यो नीति अनुरुप हुनेगरी संशोधन एवं परिमार्जन गर्नु पर्नेछ ।

१५.२ भू–उपयोग नीतिलाई प्रत्येक १० वर्षमा पुनरावलोकन एवं परिमार्जन गरिनेछ । भूमिसुधार तथा व्यवस्था मन्त्रालयले एक स्थायी कार्यदल बनाई निरन्तर परिमार्जनको कार्य गरी केन्द्रीय समन्वय समितिमा छलफलमा ल्याई परिमार्जनको प्रक्रिया अगाडि बढाउनेछ ।